Prūsų giesmės iš www.romuva.lt


As kwāi minintun Prūsan, stan wūran prūsan tāutan
As kwāi minintun amzin, minintun nūsan brātin
Twāis kērmens ast aulaūwuns aulaūwuns enwangiskan
Sklāit gīwa dabber dūsi, sklāit gīwa nōseilis
Druwēimai mes, ainawārst tū etgīmsnan pagaūwuns
Etkūmps twajā bilā jāu, bilā jāu tebbei šlūzi
Tū sīmtans mettans maīguns, maīguns – teinū etskīwuns
Be mes etkūmps widāimai, widāimai wūran Prūsan
Sta ast prābutska tautā, prābutska Prūsa nusā
Prūsan deiwāi stāi debbai, stāi debbai prūsan deiwāi
Wakēimai jūsans warrins, wakēimai jūsans kwāitans
Dāiti nūmans stans spārtins, dāiti nūmans stans warrins
Spārtinaiti nūsan amzin, spārtinaiti nūsan amzin.

Žodžiai Pg. Prans Arellis, "Ramuva" 1989; mel: iš J.Trinkūno archyvo

................................................................................................................

Pa sadīkan neikaūwa,
Zalīkans as treppa.
Teinū sandēi, zallis rutīkas,
As niwīrst wans widāwusi.

Na trapīkan as stāi,
En abazīkan sīda,
– Ai ai ai, Dēiwe, Deiwīke māis,
Pawērpi as mutrīkan.

Kaddan as jāi pra laūkan,
Pra mutrīkas laukīkan,
Pagār men jāi maldāi bratrīkai,
Sestrīkan līdintei.

Kaddan preijāi as dwarran,
Stan swekrīkas dwarīkan,
Pagār men jāi stāi deiwerīkai,
Martīkan graudintei.

Kaddan preijāi as dwarran,
Stan swekrīkas dwarīkan,
Widāi as staddan swajjan nautīkan
Prēi swekrīkas wartīkan.

Kāi izēilai bratrīks,
Izpīdlai kalabijjan,
Kāi tāns izkīrtlai majjan nautīkan
Iz swekrīkas wartīkan.

Be izgūba bratrīks,
Izpīdi kalabijjan,
Šlāit niizkīrta majjan nautīkan
Iz swekrīkas wartīkan.

Naūtis wārtan wirijja,
Naūtis majjas tērpa,
Niaīnunts kīrta majjan nautīkan
Iz swekrīkas wartīkan.

Ch.Bartshas, Dainų balsai, Nr. 57, Širvinta 1857m.

................................................................................................................

Saulīka patekka, Daulēlu lēlu,
Zurgi stan danguzzin, Daulēlu lēlu

Ebēis tū Saulīka, Daulēlu lēlu,
Zurgi stan danguzzin, Daulēlu

Senskāitais, Saulīka, Daulēlu lēlu,
Ang wissas ast lāuksnas, Daulēlu

As jāu dins senskāita, Daulēlu lēlu
Ainasses dabber ni ast, Daulēlu.

Kwēi lāukaisi lāuksna, Daulēlu lēlu,
Kwēi tekēi ukka ankstāi, Daulēlu

Kwēi tekēi ukka ankstāi, Daulēlu lēlu
Kwēi wīlai zemāi gūba, Daulēlu.

J. Juška LSD I, Nr.63, Veliuona 1863

................................................................................................................

Sīnda nūse Dēiwi en dwarras sirdu :en dwarras sirdu pa lipuzīkai:
En dwarras sirdu pa lipuzīkai :pa lipuzīkai na aūsan krīslin:
Pa lipuzīkai na aūsan krīslin, :sen zukkas kaisnīkan kāisa si galwan:
Sen zukkas kaisnīkan kāisa si galwan, :aūsas skebbelins plawinna pa appin:
Dēiwi mutrīka izburreis mi lāiman, :izburreis mi lāiman, majase dallin:
Perplūjais tū, dalla, pa jūrin marrin, :pa jūrin marrin pa strāunan appin:
Bilāis be kūkaus en geguzzis tārin, :en geguzzis tārin na skāberwikan:
Pra newinnins āustrans sāuli teksei, :pra kittans newinnins rassan audregsei:

Pg. J.Juška LSD, II, Nr.900

................................................................................................................

:Mīniks Saulīkan weddi
Pirmanin wasarīkan:
:Ankstāi saūli etskīja
Mīniks izsklaitinna si:
:Mīniks aīns neikaūwa
Deināinan enmilīwuns:
:Perkūns spārtai ernērtuns
Tennan pērpus perkīrta:
:- Iz saūlin izslaitinna s’
Deināinan enmilīwuns?:
:Deināinan enmilīwuns
En naktin aīns neikaūwuns?:

L. Rėza LDD I, Nr.27, mel. L. Rėza LDD II, Nr.59

................................................................................................................

Mīla swāiksta Saulīka,
Mīla Dēiwas dukrīka,
Kwēi pertenijja ilgai:

Kwēi pertenijja ilgai,
Kwēi tū buwinna ilgai,
Ezze nūmans etstāi?

Pa jūrins pa garbīkans
As kūnti seirenīkans,
Tapijja paimenīkans.

Mīla swāiksta Saulīka,
Mīla Dēiwas dukrīka,
Kas prakūra ti pannu

Kas bītai, kas ankstāinai,
Kas plastāi ti plagzdinnin?

Deināina mi, Bitāina
Ainā prakūra pannu

Deināina mi, Bitāina
Kitā plastāi plagzdinnin.

Tūlin mennei gintīkan
Tūlin mennei dajīkan.

L.Rėza I, Nr.78, mel. J.Juška LSD, 582

................................................................................................................

:Sūns prēi mutrīkan naktin naktaūwa:
:Naktin naktaūwa, supnan supnaūwa:
:Ankstāinai etskīwuns, mutrīkai gērdau:
:Majā mutrīka, tū wurāi maise:
:Majā mutrīka, supnan izburreis:
:Prēi tikrai rānkan geguzzi skrāida:
:Prēi kāirai rānkan sīws falkīks skrāida:
:Pra meddin jāntei – nigremj’ pippelai:
:Pra lāukan jāntei – zālis ast wītuns:
:Pra dwarran jantei – dwars ast grāudan:
:Māise sunīke, stas twāise supnas:
:Māise malnīke, ast retawīngi:
;Raibā pippelka ast wīlin martī:
:Sīws falkīks skrāidants – ast wīlin maldūns:
:Timra naktīka ast wīlin mūti:

Pg. TDV, Nr.5

................................................................................................................

Ō, kas wakēi ten, zallis warris?:
:Ginnis brātis, debzupūni:
:Ka kwaitēitei, ginnis, zallis warris?:
:Wīrikan kwāimai, zallis warris,:
:Kas etwerre dwarrins, zallis warris?:
:Mes dins wīrstmai wīruns, zallis warris:
:Etwerreiti dins, zallis warris,:
:Kaīls jāiti, kaīls, zallis warris:

E.Velička Muzika p. 32, Šventoji

................................................................................................................

Tū zallis witwīke, ābila,
Zallisis garīke,
Kāi tū debs aūga,
Kāi tū praaūga,
Aīns twāise wipīks
Be kits wirsellis,
Dwejjas trejjas dwarris.
En aināmans dwarrins
Saulīka tekka,
En antrāmans dwarrins
Mīnikiks swāiksti,
En tirţāmans dwarrins
Lauksnīka zarāi.
Patrimpe Dēiwe,
Dāis nūmans gīwatan,
Kāi stas ruggis tērplai,
Kāi kweitēi kweitīlai,
Dīgi undai teklai.

Pg. Dzūkų melodijos, Nr.146

................................................................................................................

- Zeminnika kweitākedi,
Kwēi sadinlai rōzis wippin?
- Dirēis, na aūktanin garbīkan,
Prēi jūrin, prēi stan maruzzin.
- Zeminnika kweitākedi,
Kwēi aupallai tāwan mūtin?
- Eīs na aūktanin garbīkan,
Prēi jūrin, prēi stan maruzzin.
Dirēis, iz rōzis kīrnikan
Izāuga debīkan garikkan –
Sēn wippins ērgi upikkans.
As enlīzusi na uppins
As enlīzusi na uppins
Pra stans wissans rōzis wippins.
As ebtīnka māldan waikellin
Jāntin na dēiwas zirgellin.
- Ai waikellis raiterellis
Anga tu widāi tāwan mūtin?
- Maldāi tu māise merguzzi
Eīs tu ēn Pagārbas tāutan
Stwen twāise tāwiks mutrīka
Erlānge sestrīkai wesselin.

L.Rėza LDD I, Nr.84, mel. Ch. Bartchas, DB Nr.336

................................................................................................................

Ukadebbaisis Perkūnai Deiwe,
Ukadebbaisis nūsan Deiwe,

Sēn swāise spārtin, sēn swāise warrin
Sendāis mans wissans, spārtinais wissans!

Ukadebbaisis Perkūnai Deiwe,
Ukadebbaisis nūsan Deiwe,

Anzānas spārtin, anzānas warrin
Sendāis mans wissans, spārtinais wissans

Ukadebbaisis Perkūnai Deiwe,
Ukadebbaisis nūsan Deiwe,

Sēn pannus swāikstan, sēn pannus warrin
Sendāis mans wissans, spārtinais wissans!

Pg. Sutartinės, II, Nr. 560

................................................................................................................

Kwēi es jālai, bratrīkai,
:Pra kupsīnans ankstāinan:
As laukijja, merguzzi,
:Swajjan bīran zirgīkan:
Be Tāwikas Matuzzis
:Kāi grāudusis sēirelis:
Lāuka Saūli en dāngu
:Stā ast mennei matuzzi:
Lāuks Mīnikiks en dāngu
:Stas est majase Tāwiks:
Swāikstas Lāuksnas en dāngu
:Stās ast mennei sestruzzis:
Zalāi meddes anzānai
:Stāi ast mennei bratrīkai:
Laukā Austrā en dāngu
:Stā ast mennei merguzzi:

Ch. Bartshas, DB, Nr. 1, Ragainė 1845

................................................................................................................

Mitaujīka mitaujā,
Grāudus Sudaitīke,
Mitaujā līla.
Kas pagan tu raudāi
Iznīka mantīka
Kwēi tū wīrst etdwīsuns?
Anga prēi garīkan?
Anga prēi stabīkan?
Garrin ast sen wippins,
Adder stabs ast saltan.
Sudaitīke brāti,
Būnda jāu garbīkai,
Stāne jāu bratrīkai.

Pg. Sutartinės III, 1210 a

................................................................................................................

Dāncau nūs angzdrīkiks, rutīka,
Ausaina kranīka, rutīka,
En zallai kirnīkan, rutīka.
Nu tū angzdrīkike, rutīka,
Pawartinais saūlin, rutīka,
Be wissan gīwatan, rutīka.
Patrimpe Dēiwe, rutīka,
Dāis nūmans gīwatan, rutīka,
Kāi stas ruggis tērplai, rutīka,
Kāi kweitēi kweitīlai, rutīka,
Dīgi undai teklai, rutīka.

Pg. Atvažiuoja Kalėdos Nr.33

................................................................................................................

Prūsa, Tū Sestrīka, perēis perēis
Twāise lunkis dabber n(i) izneikaūtan
Twāise pamīrisnas dabber n’ izmīritan
Stās lāukas akīkas dabber n’ izdirītan
Mīlai Twāise wīrdai dabber n’ izbilītan
Prūsa, Tū Sestrīka, perēis perēis
Sēn stans falkas skreīlins perskrīs perskrīs
Etwerreis stans akīkans, dirēis dirēis
Entikrinais rankīkans, kāusin(ai)s kāusin(ai)s
Sēn stesses geggin bilāis bilāis.

Liaudies melodijų motyvais

................................................................................................................

Ei rūta rutīka,
Rūt, zalā mitīka
Kas stwen birbina?
Waikāi birbina.
Kawīdas dāudas?
Garris daudīkas.
Kawīdas kārdas?
Garris kardīkas.
Kas stwen birbina?
Brātei birbina
Kawīdas dāudas?
Sēn warris dāudans,
Kawīdas kārdas?
Sēn sīlkas kārdans.

Sutartinės III, Nr.1540